Sumqayıtda avtobus sürücüləri ilə bağlı narazılıqlar bitmək bilmir. Növbəti dəfə redaksiyamıza vətəndaşlar tərəfindən çoxsaylı şikayətlər daxil olub.
Belə ki, 50-AF-342 nömrəli "7" saylı avtobusun sürücüsü bu dəfə də nəqliyyat vasitəsinin sürücüsü avtobusun arxa qapılarını bilərəkdən açmayaraq, sərnişinlər arasında kütləvi narazılığa səbəb olub. Hadisə 18 iyun tarixdə səhər saatlarında yaşanıb. Sərnişin avtobusunun sürücüsü sıxlığa baxmayaraq, Sumqayıt avtovağzalının yanında arxa qapıları açmayıb. Nəticədə sərnişinlər arasında kütləvi narazılıq yaranıb.
Sözügedən 50-AF-342 nömrəli "7" saylı avtobusla bağlı əvvəlki yazımızdada eyni problemlə bağlı məlumat vermişdik. Məsələylə bağlı AYNA-dan Xeberle.com-a bildirilmişdi ki, daşıyıcıya sərnişindaşıma qaydalarına ciddi riayət etməyi və araşdırma apararaq sürücü barədə müvafiq tədbir görməklə bağlı tapşırıq verilib. Daha sonra "7” və "7a” nömrəli avtobus xətlərinə cavabdeh şəxslə əlaqə saxlamışdıq. Kalon rəisi açıqlama vermişdi ki, sürücü barədə müvafiq tədbir görülüb və 100 AZN cərimə edilib. Görünən odur ki, sürücünün cərimə edilməsi problemi həll etməyib. Görəsən, sürücünün arxa qapıları açmamaqda məqsədi nədir?
Məlumata görə, 50-AF-342 saylı avtobus yüksək sürət səbəbindən fevral ayında digər bir sərnişin avtobusu ilə də toqquşub.
Məsələ ilə bağlı yenidən aidiyyəti qurumla əlaqə saxlayacağıq.

Mənbə: Xeberle.com