Sumqayıt şəhərində 44 yaşlı A. Bədirovun döyülməsi və xəstəxanada ölməsi ilə nəticələnən hadisə baş verib. Hadisə iyulun 21-də axşam saatlarında qeydə alınıb.

Sumqayit.tv xəbər verir ki, Sumqayıt şəhərində qeydə alınan hadisə ilə bağlı polisə məlumat daxil olub. Məlumatda 44 yaşlı A. Bədirovun döyülərək xəstəxanaya yerləşdirildiyi, lakin göstərilən tibbi yardımlara baxmayaraq vəfat etdiyi bildirilib.

Dərhal araşdırmalara başlayan polis əməkdaşları tərəfindən həyata keçirilən əməliyyat-axtarış tədbirləri nəticəsində hadisəni törətməkdə şübhəli bilinən 17 və 16 yaşlı iki yeniyetmə saxlanılıb.

Maraqlı məqam ondan ibarətdir ki, saxlanılan hər iki şəxs mərhumun – A. Bədirovun oğullarıdır.

Faktla bağlı araşdırmalar davam etdirilir.