Sumqayıt.tv xəbər verir ki, şəhərdə 6 aylıq körpənin vəfatı ilə bağlı ilkin tibbi rəy açıqlanıb.
Sumqayıt Tibb Mərkəzindən verilən rəsmi məlumata görə, 2025-ci il təvəllüdlü körpə 1 avqust tarixində, saat 04:20 radələrində Sumqayıt Uşaq Xəstəxanasına yerləşdirilib.
Müayinə zamanı ona aşağıdakı diaqnozlar qoyulub:
Yuxarı tənəffüs yollarının kəskin infeksiyası, dəqiqləşdirilməmiş pnevmoniya, kəskin respirator çatışmazlığı, qaraciyər və maddələr mübadiləsinin pozulması.
Körpə dərhal xəstəxananın Reanimasiya şöbəsinə yerləşdirilib və həkim briqadası tərəfindən təxirəsalınmaz tibbi müdaxilələr göstərilib.
Lakin bütün səylərə baxmayaraq, 2 avqust 2025-ci il tarixində saat 14:30 radələrində beyin ödemi səbəbilə ölüm faktı qeydə alınıb.
Hazırda hadisə ilə bağlı müvafiq araşdırmalar davam etdirilir.