2008-ci il aprelin 5-də anadan olan Tağıyeva Aylin Ceyhun qızı orta məktəbə Sumqayıt şəhəri 35 saylı tam orta məktəbdən başlayıb, sonradan Bakı şəhəri 221 nömrəli tam orta məktəbi 2025-ci ildə uğurla bitirib. O, Dövlət İmtahan Mərkəzinin keçirdiyi qəbul imtahanlarında 640 bal toplayaraq Azərbaycan Tibb Universitetinin “Tibb” ixtisasına qəbul olub.

Aylin hədəfini artıq 6-cı sinifdən müəyyənləşdirib və son iki ildə ailəsinin dəstəyi, müəllimlərinin köməyi ilə gecə-gündüz oxuyaraq bu uğura nail olub. Onun uğurlarında ən böyük paya ailəsi – Azərbaycan dili müəllimi olan anası, ingilis dili müəllimi olan nənəsi və biologiya müəllimi olan xalası, eləcə də bütün hazırlıq müəllimləri sahibdir.

Məktəb illərində dəfələrlə fəxri adlar qazanan Aylin, təhsil və yarışlarda özünü fərqləndirib:

11-ci sinfi qırmızı fərqləndirmə attestatı ilə başa vurub,

Məktəb illərində 11 fəxri-fərman qazanıb,

İntelektual yarışda birincilik əldə edib,

Respublika fənn olimpiadasında (biologiya üzrə) yarımfinal mərhələsinə yüksəlib,

“Dəyirmi masa” yarışında birincilik qazanıb.

Aylin Tağıyeva bu nailiyyətləri ilə həm məktəbin, həm ailəsinin, həm də bütün Azərbaycan gəncliyinin qürur mənbəyinə çevrilib. Onun arzusu savadlı və peşəkar həkim kimi ölkəmizə xidmət etməkdir.

Redaksiya adından Aylin Tagıyevanı ürekdən təbrik edir, ona uğurlu gələcək arzulayırıq.