2008-ci ildə anadan olan İsgəndərli Səccad Möhsüm oğlu Sumqayıt şəhəri 36 nömrəli tam orta məktəbi 2025-ci ildə bitirib. Dövlət İmtahan Mərkəzinin keçirdiyi qəbul imtahanlarında 672 bal toplayaraq Azərbaycan Tibb Universitetinin Tibb fakültəsinə qəbul olub.

Səccad uşaqlıqdan çalışqanlığı ilə seçilib və hədəfini erkən müəyyənləşdirib. Onun arzusu həmişə həkim olmaq olub. Məktəbdə nümunəvi şagird kimi fərqlənməklə yanaşı, əlavə olaraq “Hədəf” kursunda da təhsil alıb. Qəbul imtahanına hazırlaşarkən dərsləri ilə yanaşı şəxsi məşğuliyyətlərinə də vaxt ayıraraq balanslı şəkildə oxumağı bacarıb.

O, həm məktəbdə, həm də respublika səviyyəsində müxtəlif uğurlara imza atıb:

Çoxsaylı sertifikatların sahibidir,

“Sabahın alimləri” müsabiqəsinin iştirakçısı olub,

“Dəyər” nəşriyyatının keçirdiyi imtahanda Respublika üzrə yüksək nəticə göstərib.

Bu uğurlar Səccadın zəhmətkeşliyinin, əzminin və məqsədyönlülüyünün bariz nümunəsidir. Onun arzusu savadlı və peşəkar həkim kimi gələcəkdə ölkəmizə faydalı olmaqdır.