Sumqayıt şəhərinin mərkəzində yerləşən Nəsimi parkında çəkilən görüntülər sakinlər arasında müzakirəyə səbəb olub. Fotolardan da göründüyü kimi, parkdakı zibil qutularından biri sındırılıb, digəri isə tullantılarla doludur. Eyni zamanda parkda quraşdırılmış oturacaqların da bir neçəsi zədələnib.

Məsələ ilə bağlı iki əsas sual ortaya çıxır:

Zibil qutularının və oturacaqların qəsdən sındırılması ehtimalı insanlarda təəssüf doğurur. Sakinlər bildirirlər ki, park ümumi istirahət məkanıdır və ictimai əmlaka zərər vurmaq həm mədəniyyətsizlik, həm də qanunla məsuliyyət yaradan haldır.

Digər tərəfdən, park şəhərin mərkəzində yerləşsə də, tullantıların vaxtında daşınmaması, zibil qutusunun və oturacaqların uzun müddət bərpa edilməməsi təmizlik və nəzarət işlərinin zəif təşkil olunduğunu göstərir.

Sakinlərin fikrincə, həm vətəndaşlar daha məsuliyyətli davransa, həm də aidiyyəti qurumlar vaxtında nəzarət etsə, bu cür mənzərələr müşahidə olunmazdı.

Mövzu ilə bağlı müvafiq qurumların mövqeyini dərc etməyə hazırıq.          Müəllif: Sumqayit.tv