Bu gün – 2 oktyabr 2025-ci il tarixində Sumqayıtlı şəhid, Azərbaycan Ordusunun əsgəri Elvin İsmayılovun qəhrəmancasına şəhid olmasının 5-ci ili tamam olur.

Sumqayit.tv xəbər verir ki, Elvin İsmayılov 28 mart 2002-ci ildə Sumqayıt şəhərində anadan olub. 2020-ci il mayın 8-də Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər hərbi komissarlığı tərəfindən müddətli həqiqi hərbi xidmətə çağırılıb. O, Beyləqan rayonunda yerləşən “N” saylı hərbi hissədə xidmət edib.

Əsgər Elvin İsmayılov 2020-ci il sentyabrın 27-də başlayan Vətən müharibəsində iştirak edərək Cəbrayıl və Füzuli istiqamətlərində döyüşlərdə qəhrəmanlıq göstərib. O, 2 oktyabr 2020-ci ildə Füzuli rayonu uğrunda döyüş tapşırığının icrası zamanı şəhid olub.

Şəhid Sumqayıt Şəhidlər Xiyabanında dəfn olunub.

Azərbaycan Prezidenti İlham Əliyevin sərəncamı ilə Elvin İsmayılov ölümündən sonra “Vətən uğrunda”, “Cəsur döyüşçü” və “Füzulinin azad olunmasına görə” medalları ilə təltif edilib.