Daxili İşlər Nazirliyi vətəndaşlara — o cümlədən Sumqayıt sakinlərinə — son günlər artan kiberdələduzluq halları ilə bağlı xəbərdarlıq edib.
Sumqayit.tv xəbər verir ki, polis orqanları vətəndaşları şübhəli zənglərə, mesajlara və keçidlərə aldanmamağa çağırır. Məlumata görə, kiberdələduzlar müxtəlif saxta kampaniyalar, bank və ya dövlət qurumu adından edilən zənglər vasitəsilə insanları aldatmağa çalışırlar.
Nazirlik bildirir ki, kart məlumatları, CVV, 3D təhlükəsizlik kodları və SMS-lə göndərilən təsdiq kodları heç bir halda başqalarına verilməməlidir:
“Kimin hansı məqsədlə zəng etməsindən asılı olmayaraq, sosial şəbəkələr və digər internet resurslarından daxil olan təklifləri dəqiqləşdirmədən şəxsi və bank kartı məlumatlarınızı paylaşmayın. Şübhəli hallarda dərhal polisə müraciət edin.”
DİN-in xəbərdarlığı xüsusilə Sumqayıt və Abşeron bölgəsində yaşayan vətəndaşlara da şamildir, çünki son aylarda bu ərazilərdə də oxşar dələduzluq faktları qeydə alınıb.
29-10-2025, 11:56
150
