Sumqayıt sakinləri növbəti dəfə şəhərdaxili marşrut avtobusu ilə bağlı şikayət edir.
Sumqayit.tv-yə daxil olan məlumata görə, Sumqayıt şəhərində fəaliyyət göstərən 7A saylı marşrut avtobusu ilə bağlı sərnişinlər narazılıq bildiriblər.
Məlumata əsasən, hadisə bu gün saat 16:00–17:00 radələrində baş verib. Sərnişinlərdən biri bildirib ki, avtobusa minərkən sürücü əvvəlcə Avtovağzala gedəcəyini desə də, işıqfor qırmızıya düşdükdən sonra pul yığan şəxs sərnişinlərə “sağa dönürük, Avtovağzala girmirik” deyib.
Hadisə zamanı sürücü bir xanıma “tez ol, xanım, qırmızıya düşəcəyik” deyərək kobud tonda reaksiya verib. Daha sonra avtobus Avtovağzal istiqamətinə daxil olmadan hərəkətini davam etdirib.
Şahidlərin sözlərinə görə, bu cür hallar tez-tez təkrarlanır və sərnişinlər artıq bu vəziyyətdən beziblər.
Sərnişinlərdən biri qeyd edib ki, bu gün axşam, hadisədən təxminən 1 saat əvvəl də başqa bir 7A saylı avtobusda eyni vəziyyət yaşanıb. Onun sözlərinə görə, həmin sürücü də Avtovağzala girməyib və bu an videoya çəkilib.
Sakinlər bildirirlər ki, marşrut xətti üzrə kart sistemi tətbiq olunacağı deyilsə də, bu sistemin dəqiq nə vaxt istifadəyə veriləcəyi barədə hələlik rəsmi məlumat yoxdur.
Sərnişinlər aidiyyəti qurumlardan problemin aradan qaldırılmasını və 7A xəttinə daha ciddi nəzarət olunmasını tələb edirlər.
31-10-2025, 19:59
237
