Azərbaycan milli komandası noyabrın 10-dan 17-dək Bakıda təlim-məşq toplanışında olacaq. Komanda bu müddət ərzində DÇ-2026-nın seçmə mərhələsi çərçivəsində İslandiya və Fransa milliləri ilə qarşılaşacaq.
Sumqayit.tv xəbər verir ki, AFFA-nın yaydığı məlumata əsasən, yığmanın baş məşqçisi Ayxan Abbasov qarşıdakı oyunlar üçün komandanın heyətini açıqlayıb.
Heyətdə “Sumqayıt” FK-nın iki futbolçusu – Səbuhi Abdullazadə və Rüstəm Əhmədzadə də yer alıb. Onların adının siyahıda olması şəhərin futbol ictimaiyyəti tərəfindən məmnunluqla qarşılanıb.
Milli komanda noyabrın 13-də 8-ci kilometr stadionunda İslandiya, noyabrın 16-da isə Tofiq Bəhramov adına Respublika Stadionunda Fransa yığması ilə üz-üzə gələcək.
9-11-2025, 21:11
174
