Samur–Dəvəçi kanalında kütləvi balıq tələfatı müşahidə olunub.

İzləyicimizin Sumqayit.tv redaksiyasına göndərdiyi videoda sözügedən kanalda xeyli sayda xırda balığın öldüyü aydın görünür.

Hadisə yerli əhali arasında ciddi narahatlıq yaradıb. Sakinlərin sözlərinə görə, balıqlar suyun səthinə çıxaraq tələf olurlar.

Mütəxəssislər xəbərdarlıq edirlər ki, vaxtında tədbir görülməsə, bu vəziyyət həm su hövzələrində xəstəliklərin yaranmasına, həm də insan sağlamlığına zərər verə bilər.

Hazırda hadisə ilə bağlı Ekologiya və Təbii Sərvətlər Nazirliyindən rəsmi açıqlama verilməyib. Ətraflı araşdırma aparılacağı gözlənilir.

Videogörüntülərdən də göründüyü kimi, kanalın səthində çoxlu sayda ölmüş balıqlar üzməkdədir.
Sumqayıt TV hadisə yerindən yayılan görüntüləri təqdim edir:

11-11-2025, 16:21 106