Ali Məhkəmədə külli miqdarda rüşvət almaqda təqsirləndirilən 19 nəfər vəzifəli şəxsin barəsində çıxarılan qərardan verilən kassasiya şikayətinə baxılıb.

Sumqayit.tv xəbər verir ki, Pravda.az-ın məlumatına görə, hakim İlkin Rəcəbovun sədrliyi ilə keçirilən iclasda qərar elan olunub. Qərara əsasən, təqsirləndirilən şəxslərin kassasiya şikayəti təmin edilməyib.

Xatırladaq ki, Bakı Ağır Cinayətlər Məhkəməsinin hökmü ilə

İldırım Məmmədov 8 il 6 ay,

Nazim Səfərov 8 il 4 ay müddətinə azadlıqdan məhrum edilib.
Digər təqsirləndirilənlərə isə müxtəlif cəza tədbirləri – vəzifə tutmaqdan və ya fəaliyyətlə məşğul olmaqdan məhrumetmə, ev dustaqlığı və nəzarət tədbirləri tətbiq olunub.

İttiham olunanlar arasında Sumqayıt bələdiyyəsinin sədri Məhi Həsənov, Sumqayıt bələdiyyəsinin icra aparatının təşkilat şöbəsinin müdiri Şıxəli Abbasov və digər şəhər və rayon bələdiyyələrinin rəhbərləri də var.

Onlara qarşı Cinayət Məcəlləsinin 308.2, 311.3 və 312-1-ci maddələri ilə (vəzifə səlahiyyətlərindən sui-istifadə və külli miqdarda rüşvət alma) ittiham irəli sürülüb.

12-11-2025, 12:21 139