Mehdi Hüseynzadə stadionunda gərgin oyun gözlənilir
Sumqayıt.tv xəbər verir ki, Misli Premyer Liqasının XII turu çərçivəsində “Sumqayıt” FK bu gün doğma meydanda çempionatın lideri “Qarabağ”ı qəbul edəcək.
Görüş saat 19:00-da Mehdi Hüseynzadə adına Sumqayıt şəhər stadionunda start götürəcək.
Hazırda turnir cədvəlində 23 xalla lider olan “Qarabağ”, 20 xalla 4-cü pillədə qərarlaşan “Sumqayıt” komandasının qonağı olacaq. Matç həm turnir cədvəli, həm də azarkeş marağı baxımından önəmli qarşılaşma kimi qiymətləndirilir.
Hakim təyinatları
Baş hakim: Fərid Hacıyev
Yan xətlər: Rəhman İmami, Kərim Zeynalov
Dördüncü hakim: Kamran Əliyev
VAR: Kamal Umudlu
AVAR: Akif Əmirəli
Hakim-inspektor: Munis Abdullayev
AFFA nümayəndəsi: Zümrüd Ağayeva
“Gənclik şəhəri” bu axşam futbol coşqusunu yaşayacaq.
21-11-2025, 09:22
122
