Tanınmış sumqayıtlı idman jurnalisti Anar Xanlarov şəhərin Məhəmməd Füzuli adına 15 saylı məktəbinə gedən yoldakı təhlükəli vəziyyətlə bağlı özünün sosial şəbəkə hesabında video paylaşaraq mövcud problemi gündəmə gətirib.
Sumqayit.tv-in məlumatına görə, Anar Xanlarovun paylaşdığı görüntülərdə əks olunur ki, məktəbə gedən yol boyunca bardiorların sıradan çıxması, səkinin illərdir zəbt edilərək avtomobillər tərəfindən dayanacağa çevrilməsi səbəbindən şagirdlər hər gün həyati risklə üz-üzə qalırlar. Səkinin dar və yararsız olması ucbatından məktəblilər birbaşa avtomobil yolundan istifadə etməyə məcbur qalırlar.
Məktəbin qarşısından üç istiqamətə yol ayrılır – lisey tərəfə, 5-ci mikrorayon istiqamətinə və əsas yola doğru. Bu isə dərsdən çıxan uşaqların eyni anda bir neçə tərəfdən gələn avtomobillərin arasında qalmasına səbəb olur. Jurnalist qeyd edir ki, vəziyyət adi məktəb yolu yox, “sanki avto dayanacaq və ya magistral yol” təsiri bağışlayır.
Xanlarov aidiyyəti qurumları problemin həllinə çağıraraq ən azı sağdakı səkilərin bərpasını, avtomobil saxlanılmasının qadağan edilməsini və piyadaların təhlükəsizliyinin təmin olunmasını vacib sayır.
Link: (42)Sumqayıt TV Official (@sumqayittvofficial) | TikTok
10-12-2025, 15:09
157
