2026-cı ilin yanvar ayında mərkəzi icra hakimiyyəti orqanlarının rəhbərləri tərəfindən şəhər və rayonlarda vətəndaş qəbulları davam etdiriləcək. Sumqayit.tv xəbər verir ki, açıqlanan rəsmi cədvələ əsasən, Sumqayıt şəhərində də bir neçə qurumun rəhbəri tərəfindən vətəndaşların qəbulu nəzərdə tutulub.

Belə ki, Qida Təhlükəsizliyi Agentliyinin sədri Qoşqar Təhməzli yanvarın 19-da Sumqayıt şəhərində vətəndaşları qəbul edəcək. Qəbul zamanı Sumqayıt, Abşeron, Qubadlı və Zəngilan rayonlarından olan vətəndaşların müraciətlərinə baxılacaq.

Bundan əlavə, Gənclər və idman naziri Fərid Qayıbov yanvarın 23-də Sumqayıt şəhərində qəbul keçirəcək. Bu qəbulda Sumqayıt və Qubadlı rayon sakinlərinin müraciətləri dinləniləcək.

Qeyd edək ki, vətəndaş qəbulları göstərilən tarixlərdə saat 10:00-da başlayacaq. Qəbulların məqsədi vətəndaşların müraciətlərinin yerində dinlənilməsi və mövcud problemlərin həlli istiqamətində müvafiq addımların atılmasıdır.

26-12-2025, 18:06 206