Bir neçə gün əvvəl Sumqayıt şəhərində iki yüksək vəzifəli şəxslə bağlı kadr dəyişikliyi aparıldığına dair xəbər vermişdik.
Sumqayit.tv xəbər verir ki, yayımlanan məlumatın biri rəsmi olaraq təsdiqini tapıb.Məlumatla bağlı Sumqayıt Tibb Mərkəzi rəsmi məlumata yayıb. Beləliklə, Mərkəzin strukturuna daxil olan 1 nömrəli Şəhər Xəstəxanasında kadr dəyişikliyi baş verib. Bildirilib ki, Mətləb Musayev öz ərizəsi əsasında 09.01.2026-cı il tarixində Sumqayıt Tibb Mərkəzinin direktoru Elnur Azadxanovun əmri ilə tutduğu baş həkim vəzifəsindən azad olunub.

Qərara əsasən, M.Musayev ixtisasına uyğun olaraq Urologiya şöbəsində həkim-uroloq vəzifəsinə keçirilib.

Qeyd edək ki, Sumqayit.tv bundan əvvəl yayımladığı məlumatda Sumqayıt şəhərində yüksək vəzifəli şəxslərlə bağlı kadr dəyişikliklərinin aparıldığını, məsələ ilə bağlı rəsmi qurumların mövqeyinin dəqiqləşdirildiyini bildirmişdi. Hazırda yayımlanan rəsmi açıqlama həmin məlumatın bir hissəsini təsdiqləyir.

Sumqayit.tv olaraq şəhərdə aparılan kadr dəyişikliklərini diqqətdə saxlayır, digər məsələlərlə bağlı rəsmi məlumatlar daxil olduğu təqdirdə oxucularımıza əlavə və dəqiqləşdirilmiş xəbərlər təqdim ediləcək.

Mənbə: Sumqayit.tv

12-01-2026, 12:43 298