14-cü məhəllə sakinləri həyətlərindəki xan çinarın budanmasına etiraz edir, məsələ ilə bağlı redaksiyamıza müraciət ünvanlayıb.

Sumqayit.tv redaksiyasına daxil olan müraciətdə Sumqayıt şəhərində həyət ərazisində aparılan budama işləri ilə bağlı narazılıq ifadə olunub.

Bildirilib ki, hadisə şəhərin 14-cü məhəllə, 2/5a yaşayış binasının həyətində qeydə alınıb. Sakinlərin sözlərinə görə, ərazidə yerləşən və yay aylarında kölgəlik yaradan xan çinar ağacı elektrik xətlərinə mane olduğu əsas gətirilərək budanıb. Lakin onların iddiasına görə, naqillər hündürlükdən keçdiyi halda ağacın aşağı hissələrinin də kəsilməsi nəticəsində həyət demək olar ki, kölgəsiz qalıb.

Müraciətdə qeyd olunur ki, ağacın bu vəziyyətə salınması bina sakinlərinin narazılığına səbəb olub və onlar həyət ərazisində yaşıllığın qorunması ilə bağlı aidiyyəti qurumların məsələyə münasibət bildirməsini istəyirlər.

Sumqayit.tv olaraq bildiririk ki, məsələni diqqətdə saxlayaraq, qarşı tərəfin də mövqeyini dərc etməyə hazırıq. Redaksiyamız rəsmi qurumların açıqlamasını yayımlamağa açıqdır.

13-03-2026, 17:08 176