Sumqayıt şəhərinin Kotec qəsəbəsində yolun hərəkət hissəsində yerləşən kanalizasiya lükünün ətrafında çökmə baş verib. Mövcud vəziyyət nəqliyyat vasitələrinin hərəkəti üçün ciddi təhlükə yaradır.
Sakinin Sumqayit.tv-yə bildirdiyinə görə, problem uzun müddətdir mövcuddur və dəfələrlə müraciət olunmasına baxmayaraq, ərazidə hər hansı təmir-bərpa işləri aparılmayıb.
Yolun ortasında yaranmış çökəklik xüsusilə gecə saatlarında hərəkət edən sürücülər üçün risk hesab olunur. Bildirilir ki, ərazi kifayət qədər işıqlandırılmadığından təhlükə daha da artır.
Sürücülər qeyd edirlər ki, vaxtında tədbir görülməzsə, həmin ərazidə yol-nəqliyyat hadisəsinin baş verməsi qaçılmaz ola bilər.
Məlumata görə, kommunikasiya xəttinin keçdiyi hissədə asfalt örtüyünün dağılması nəticəsində kanalizasiya lükünün ətrafında dərin çuxur əmələ gəlib.
Məsələ ilə bağlı aidiyyəti qurumların yaxın zamanda tədbir görəcəyi gözlənilir.
Video Link: (41)Sumqayıt şəhərinin Kotec qəsəbəsində yolun hərəkət hissəsində yerləşən... | TikTok
25-03-2026, 22:48
137
