Sumqayıt şəhərində xoşagəlməz hadisə ilə bağlı saytımıza məlumat daxil olub.
Bildirilib ki, şəhər ərazisində kanalizasiya sularını çəkən texnikanın nasazlığı sakinlərin narazılığına səbəb olub.
İlkin məlumata görə, köhnə avadanlıqdan istifadə edən maşının şlanqında deşik yaranıb. Nəticədə kanalizasiya suyu ətrafa, o cümlədən ərazidə olan insanların üzərinə sıçrayıb.
Hadisənin Unikal Tibb Mərkəzinin yaxınlığında baş verdiyi qeyd olunur. Ərazidə məktəblilərin və piyadaların olduğu bildirilir.
Sakinlərin sözlərinə görə, texnika kanalizasiya suyunu çəkmək üçün istifadə edilsə də, nasaz şlanq səbəbindən çirkli su ətrafa yayılıb, ətrafı isə kəskin qoxu bürüyüb.
İddialara əsasən, texnikaya nəzarət edən şəxs də şlanqın köhnə və yararsız olduğunu bildirib.
Qeyd edək ki, məsələ ilə bağlı aidiyyəti qurumların rəsmi mövqeyi hələlik açıqlanmayıb.
Video Link: (70)Sumqayıt TV / Media Platforma (@sumqayittv) | TikTok
6-04-2026, 14:45
162
