Sumqayıt şəhərinin 26-cı məhəlləsində yolun bir hissəsi təhlükəli vəziyyətdə qalıb.
Sumqayit.tv xəbər verir ki, kanalizasiya xəttinin dəyişdirilməsi məqsədilə qazılan ərazi işlər tamamlandıqdan sonra bərpa edilməyib və çökək formada saxlanılıb.

Mövcud vəziyyət həm sürücülər, həm də piyadalar üçün ciddi risk yaradır. Ərazidən keçən vətəndaşların sözlərinə görə, təhlükəli hissəyə yalnız ağac budağı qoyulub, lakin heç bir rəsmi xəbərdaredici nişan quraşdırılmayıb.

Sakinlər aidiyyəti qurumlardan problemin qısa müddətdə aradan qaldırılmasını və yolun təhlükəsiz hala gətirilməsini tələb edirlər.

Müəllif: Elşən Yəhyayev