Sumqayıt şəhəri, Yasildərə Bağlar massivində yaşayan sakinlər uzun illərdir davam edən yol problemi ilə bağlı müraciət ünvanlayıblar.

Sakinlərin Sumqayit.tv-yə verdiyi məlumata görə, Şəhid Bəxtiyar Muradovun abidəsinin qarşısında yerləşən küçə artıq uzun müddətdir bərbad vəziyyətdədir və istifadəyə yararsız hala düşüb.

Müraciətdə bildirilir ki, sözügedən küçə ərazidə intensiv istifadə olunan əsas yollardan biridir. Lakin yolun vəziyyəti səbəbindən sakinlər gündəlik gediş-gəlişdə ciddi çətinliklərlə üzləşirlər. Xüsusilə yağışlı havalarda vəziyyət daha da ağırlaşır.

Sakinlər qeyd edirlər ki, məsələ ilə bağlı dəfələrlə Sumqayıt Şəhər İcra Hakimiyyətinə, şəhər Bələdiyyəsinə, eləcə də digər aidiyyəti qurumlara müraciət etsələr də, indiyədək problem həllini tapmayıb.

Ərazi sakinləri problemin işıqlandırılmasını və aidiyyəti qurumların diqqətinə çatdırılmasını xahiş edirlər.

Qarşı tərəfin mövqeyini dərc etməyə hazırıq.

24-04-2026, 14:42 416