Sumqayıtda tikinti iddiasına rəsmi münasibət – İcra Hakimiyyəti açıqlama verdi
Sumqayıt şəhərində aparıldığı iddia olunan tikinti işləri sosial şəbəkələrdə müzakirələrə səbəb olub.
Paylaşılan məlumatlarda 4-cü mikrorayon, ev 24-ün qarşısında qanunsuz tikinti işləri aparıldığı iddia edilir. Sosial şəbəkə istifadəçiləri məsələ ilə bağlı aidiyyəti qurumların müdaxiləsinin vacibliyini qeyd ediblər.
Məsələ ilə bağlı Sumqayit.tv-nin sorğusuna cavab olaraq Sumqayıt Şəhər İcra Hakimiyyətinin mətbuat xidməti rəhbəri Eyvaz Qocayev açıqlama verib.
Açıqlamada bildirilib ki, Sumqayıt şəhərində həyata keçirilən bütün tikinti işləri təsdiq olunmuş şəhərin baş planına uyğun şəkildə aparılır.
Qeyd olunub ki, tikinti prosesləri şəhərsalma və memarlıq qaydalarına tam riayət edilməklə icra olunur, bütün layihələr aidiyyəti dövlət qurumları ilə razılaşdırılmış qaydada həyata keçirilir.
Həmçinin vurğulanıb ki, qeyd olunan ərazidə aparılan tikinti işi qanunidir, bütün müvafiq qurumlardan icazə alınıb və sənədləri mövcuddur.
Tikinti işləri zamanı mövcud qanunvericiliyin tələblərinin əsas götürüldüyü bildirilib.
25-04-2026, 17:08
378
