Azərbaycan Respublikası Prezidentinin  07 noyabr 2025-ci il tarixli Sərəncamı ilə təltif olunmuş hərbçilərin medallarının təqdimi prosesi davam edir.

Sumqayit.tv xəbər verir ki, şəhid Əbdülməcid Axundovun təltif olunduğu “Vətən Uğrunda” medalı onun anası Ceyran xanıma  təqdim olunub.

Medalı  Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Sumqayıt şəhər baş idarəsinin rəisi,general -mayor  Natiq  Qarayev  təqdim edib.

Qeyd edək ki,Əbdülməcid Axundov 2016-cı ilin 2-4 aprel tarixlərində baş vermiş və tarixə “Aprel Döyüşləri” kimi düşmüş toqquşmada şəhid olub. Manqa komandiri olan, Əbdülməcid 1993-cü ilin 15 oktyabr günündə Sumqayıt şəhərində Nadirşah və Ceyran Axundovaların ailəsində dünyaya gəlib. 2010-cu ildə Sumqayıt şəhərində yerləşən 16 saylı tam orta məktəbi bitirən Əbdülməcid Axundov elə həmin il Azərbaycan Texniki Universitetinə daxil olub.