Sumqayıt sakinləri 33 nömrəli marşrut xəttinin xüsusilə axşam saatlarında yaratdığı sıxlıqdan narazıdırlar.
Sumqayit.tv-yə göndərilən görüntülərdə avtobusun normadan artıq dolu olduğu görünür. Sakinlərin sözlərinə görə, gündüz saatlarında marşrut xətti normal fəaliyyət göstərsə də, axşam saatlarında avtobusların intervalı artır və nəticədə sərnişin sıxlığı yaranır.
Şikayətçilər bildirirlər ki, bəzi hallarda avtobusa minmək belə mümkün olmur:
“Gündüz işləyirlər yaxşı. Amma gecə elə bil qəsdən gecikirlər ki, maşınlar dolsun. Artıq bu vəziyyətdən yorulmuşuq”, – deyə sakin qeyd edib.
Vətəndaşlar aidiyyəti qurumlardan marşrut xəttində nəzarətin artırılmasını və axşam saatlarında əlavə avtobusların xəttə buraxılmasını xahiş edirlər.
15-05-2026, 08:34
274
