Sumqayıt şəhərinin 30-cu məhəllə ərazisində avtobus sürücüsü ilə taksi fəaliyyəti ilə məşğul olan şəxs arasında insident yaşandığı bildirilir.
Sumqayit.tv-yə daxil olan məlumata görə, hadisə bu gün saat 20:15 radələrində şəhərdə yerləşən “Expressbank” filialının yaxınlığında qeydə alınıb.
İddialara əsasən, 90-ZD-204 dövlət nömrə nişanlı avtomobilin sürücüsü ilə 522 nömrəli marşrut avtobusunun sürücüsü arasında yol hərəkəti zamanı gərginlik yaranıb.
Bildirilib ki, hadisə yerində olan şəxslərin müdaxiləsi nəticəsində vəziyyət daha da böyümədən qarşısı alınıb.
Hadisə ilə bağlı rəsmi qurumların mövqeyi məlum deyil.
Qarşı tərəfin mövqeyini dərc etməyə hazırıq.
23-05-2026, 21:22
97
