Tanınmış şair Əşrəf Veysəlli vəfat edib.

Sumqayit.tv xəbər verir ki, bu barədə Azərbaycan Yazıçılar Birliyinin Poeziya bölməsinin rəhbəri, şair İbrahim İlyaslı məlumat yayıb.

Bildirilib ki, Əşrəf Veysəlli bu gün Sumqayıt Hospitalda dünyasını dəyişib.

Qeyd edək ki, Əşrəf Veysəlli 1938-ci ildə Füzuli rayonunun Yuxarı Veysəlli kəndində anadan olub. Hərbi xidmətdən sonra Azərbaycan Dövlət Pedaqoji İnstitutunda təhsil alıb.

Ali təhsilini başa vurduqdan sonra əmək fəaliyyətinə Sumqayıtda başlayıb və uzun illər bu şəhərdə yaşayıb. O, ötən əsrin 50-ci illərindən etibarən ədəbi mühitdə fəal iştirak edib və Azərbaycan poeziyasının tanınmış simalarından biri kimi tanınıb.

Allah rəhmət eləsin.

5-06-2026, 17:44 104