Sumqayıt şəhərində infrastrukturun yenilənməsi və vətəndaşların rahatlığının təmin edilməsi istiqamətində növbəti abadlıq işlərinə start verilib.

Sumqayıt TV xəbər verir ki, şəhərin 76-cı məhəllə ərazisində yerləşən qəbirlistanlıq kompleksində genişmiqyaslı asfaltlanma işləri həyata keçirilir. Aidiyyəti qurumların xüsusi texnikası və canlı qüvvəsi əraziyə cəlb olunaraq qəbirlistanlıq daxili yolların, həmçinin piyada cığırlarının əsaslı şəkildə bərpası və asfalt örtüyünün salınması prosesini icra edir.

Uzun müddətdir ki, sözügedən ərazidə yolların nahamar və torpaq olması, xüsusilə yağışlı hava şəraitində sakinlərin hərəkətində müəyyən çətinliklər yaradırdı. Görülən bu intensiv yenidənqurma işləri yekunlaşdıqdan sonra, Sumqayıt sakinləri qəbirlistanlıqda uyuyan doğmalarını və əzizlərini daha rahat, maneəsiz şəkildə ziyarət edə biləcəklər.

Allahdan dünyasını dəyişən bütün həmyerlilərimizə rəhmət diləyirik.

9-06-2026, 17:16 178