Sumqayıt Şəhər Ağsaqqallar Şurasının növbəti konfransı keçirilib.
Sumqayit.tv xəbər verir ki, tədbirdə Azərbaycan Ağsaqqallar Şurasının sədr müavini, Milli Məclisin deputatı Eldar İbrahimov, Sumqayıt Şəhər İcra Hakimiyyətinin başçısı Zakir Fərəcov, şəhər ağsaqqalları, ziyalılar və ictimaiyyət nümayəndələri iştirak ediblər.
Konfransda təşkilati məsələlər müzakirə olunub. Açıq səsvermənin nəticələrinə əsasən Eldar Vəkil oğlu İsmayılov Sumqayıt Şəhər Ağsaqqallar Şurasının sədri seçilib.
Tədbirdə çıxış edənlər ağsaqqallar institutunun cəmiyyətdəki rolundan, milli-mənəvi dəyərlərin qorunması, gənc nəslin tərbiyəsi və ictimai fəaliyyət istiqamətində görülən işlərdən danışıblar.
Konfrans zamanı Sumqayıt şəhərində həyata keçirilən abadlıq-quruculuq işləri, sosial və infrastruktur layihələri, eləcə də şəhərin gələcək inkişaf perspektivləri barədə məlumat verilib.
Yeni seçilmiş sədr Eldar İsmayılov ona göstərilən etimada görə təşəkkür edərək, Ağsaqqallar Şurasının fəaliyyətinin daha da gücləndirilməsi istiqamətində çalışacaqlarını bildirib.
Konfrans təşkilati məsələlərin müzakirəsi ilə başa çatıb.
22-06-2026, 16:12
236
