Bir neçə gün əvvəl Sumqayit.tv-də Sumqayıt şəhərinin 40-cı məhəlləsində, Hərbi Komissarlığın qarşısında məişət tullantılarının yığılması ilə bağlı sakinlərin müraciətini işıqlandırmışdıq.
Bu gün isə həmin ərazidə yaşayan sakinlər redaksiyamıza yenidən müraciət edərək problemin aradan qaldırıldığını bildiriblər. Onların sözlərinə görə, xəbərin dərc edilməsindən sonra aidiyyəti qurum tərəfindən ərazidə təmizlik işləri aparılıb, toplanmış tullantılar daşınıb və ərazi səliqəyə salınıb.
Sakinlər operativ tədbir görüldüyünə görə aidiyyəti quruma təşəkkürlərini bildirərək, problemin işıqlandırılmasına görə Sumqayit.tv kollektivinə də minnətdarlıqlarını ifadə ediblər.
Ümid edirik ki, ərazidə təmizlik işləri bundan sonra da mütəmadi şəkildə aparılacaq və oxşar halların təkrarlanmasının qarşısı alınacaq.
Sumqayit.tv olaraq şəhər sakinlərini narahat edən məsələləri işıqlandırmağa və aidiyyəti qurumların mövqeyini dərc etməyə davam edəcəyik.
6-07-2026, 10:40
81
