ABŞ Prezidenti Donald Trump NATO Dövlət və Hökumət Başçıları Zirvə Toplantısında iştirak etmək üçün Türkiyənin paytaxtı Ankaraya gəlib.
Sumqayit.tv xəbər verir ki, Donald Trampı daşıyan "Air Force One" təyyarəsi Ankara Hava Limanına eniş edib. ABŞ nümayəndə heyətini daşıyan təyyarə isə bundan bir neçə dəqiqə əvvəl paytaxta çatıb.
Məlumata görə, Tramp NATO Zirvə Toplantısı çərçivəsində Türkiyə Prezidenti Rəcəb Tayyib Ərdoğan ilə görüşəcək. Liderlərin Prezident Sarayında keçirilməsi planlaşdırılan görüşündə NATO-nun gündəliyi, Türkiyə–ABŞ münasibətləri və regional proseslərin müzakirə olunacağı gözlənilir.
ABŞ nümayəndə heyətinin tərkibində dövlət katibi Marko Rubio, Xəzinədarlıq naziri Skott Bessent, müdafiə naziri Pit Heqset, eləcə də Ağ Evin yüksəkvəzifəli rəsmiləri və prezidentin müşavirləri yer alır.
NATO Zirvəsi ilə əlaqədar Ankarada təhlükəsizlik tədbirləri ən yüksək səviyyəyə çatdırılıb. Şəhərin əsas yolları, hava limanı və dövlət başçılarının hərəkət marşrutları polis və jandarma qüvvələrinin nəzarətinə götürülüb.
Rəsmi məlumata əsasən, sammitin təhlükəsizliyinin təmin olunmasına ümumilikdə 56 min təhlükəsizlik əməkdaşı, o cümlədən 49 min polis və 7 min jandarm cəlb edilib.
7-07-2026, 16:36
65
