Bir neçə gün əvvəl Sumqayit.tv-də Stansiya Sumqayıt ərazisində yerləşən şəhid Kənan Allahverdiyev adına küçədə yaranmış antisanitar vəziyyətlə bağlı sakinlərin müraciəti əsasında xəbər yayımlanmışdı.
Məsələnin ictimailəşdirilməsindən sonra aidiyyəti qurum – Təmizlik Departamenti əraziyə operativ şəkildə müdaxilə edib, məişət tullantılarının daşınmasını və ərazidə təmizlik işlərinin aparılmasını təmin edib.
Hazırda küçədə vəziyyətin normallaşdığını əks etdirən görüntülər Sumqayit.tv-yə təqdim olunub. Videonu göndərən sakinlər problemin qısa müddətdə həllinə görə aidiyyəti qurumlara, eləcə də məsələnin işıqlandırılmasına görə Sumqayit.tv-yə təşəkkürlərini bildiriblər.
Sakinlər qeyd ediblər ki, müraciətlərinə həssas yanaşılması və problemin operativ şəkildə aradan qaldırılması onları sevindirib.
Sumqayit.tv olaraq problemlərin həlli istiqamətində göstərilən operativ reaksiyanı təqdir edir, şəhər sakinlərinin müraciətlərini diqqətdə saxlamağa davam edəcəyimizi bildiririk.
18-07-2026, 21:03
96
