Sumqayıt şəhərinin 16-cı mikrorayonunda sakinlər küçələrindən birinin asfaltlanmamasından narazıdırlar.

Sumqayit.tv-yə daxil olan müraciətdə bildirilir ki, ərazidəki digər küçələrdə yol örtüyü yenilənməsinə baxmayaraq, Mətləb Quliyev küçəsi və 2-ci keçiddə yolun vəziyyəti hələ də baxımsız vəziyyətdədir.

Sakinlərin sözlərinə görə, küçənin bu vəziyyətdə qalması ərazidə yaşayan insanların gündəlik hərəkətini çətinləşdirir. Onlar aidiyyəti qurumlardan məsələyə diqqət yetirilməsini və küçənin asfaltlanmasını istəyirlər.

Sakinlər hesab edirlər ki, ərazidə yol infrastrukturu yenilənərkən Mətləb Quliyev küçəsinin də diqqətdən kənarda qalmaması vacibdir.

Sumqayit.tv məsələ ilə bağlı aidiyyəti qurumun mövqeyini dərc etməyə hazırdır.

11-08-2026, 15:28 48