Sumqayıtda Heydər Əliyev Parkında sahibsiz itlərlə bağlı narahatlıq yaranıb.
Sumqayit.tv-yə müraciət edən vətəndaşın sözlərinə görə, park ərazisində olan itlər gecə saatlarında insanların üzərinə və avtomobillərə doğru hücum edir.
Şikayətçinin bildirdiyinə görə, hadisələrdən biri 18 avqust gecəsi saat 00:03 radələrində baş verib. Onun sözlərinə görə, parkda olan itlər insanlara yaxınlaşaraq hücum etməyə çalışıb, avtomobillərin üzərinə də cumublar.
Müraciətdə, həmçinin hadisə zamanı bir nəfərin xəsarət aldığı iddia olunur. Şikayətçinin sözlərinə görə, həmin şəxsin əl nahiyəsindən xəsarət aldığı bildirilir.
Sakinlər park ərazisində sahibsiz itlərlə bağlı tədbir görülməsini, xüsusilə gecə saatlarında insanların təhlükəsizliyinin təmin olunmasını istəyirlər.
Sumqayit.tv məsələ ilə bağlı aidiyyəti qurumların mövqeyini öyrənməyə hazırdır.
19-08-2026, 11:17
58
