Zodiak "öküz ili"ni geridə buraxdıq. İl başa çatdıqda dövlət idarələri, təşkilatlar və aidiyyatı qurumlar ilin yekunlarına dair hesabatlar verir. Bu il də istisna deyil. Ötən ilimiz koronavirus pandemiyasına qarşı mübarizə, Vətən müharibəsində qazandığımız qələbənin diplomatik müstəvidə möhkəmlətməklə yadda qaldı. Təbii ki, bu sırada Azərbaycan Respublikası Milli Məclisinin fəaliyyəti də geniş sferaları əhatə etdi. Ötən il Sumqayıt şəhəri də ölkənin həyatında aparıcı mövqeyini qoruyub saxladı. Təsadüfi deyil ki, şəhər üzrə 4 seçki dairəsi mövcuddur. Beləliklə Müşfiq Məmmədli, Tahir Mirkişili, Hicran Hüseynova və Emin Hacıyev "gənclər şəhəri"ni qanunverici orqanda təmsil etdi. İl yekunlaşdıqdan sonra deputatlar ənənəyə uyğun olaraq illik hesabat verirlər.
Sumqayit.tv olaraq bu məsələdə bir qədər araşdırma apardıq. Nəticə olaraq yalnız Müşfiq Məmmədli və Tahir Mirkişilinin ötən ilə dair illik hesabat verdiyi diqqət çəkdi. Müraciətlər əsasən sağlamlıq, işlə təminat, əlillik dərəcəsinin təyinatı, yardım, təhsil və s sahələri əhatə edib. Hər iki deputat fərqli formada hesabat təqdim edib. Bununla belə, bir çox məlumatlar bu hesabatda əks olunub. Ancaq digər iki deputat - Hicran Hüseynova və Emin Hacıyev ilə bağlı vəziyyət fərqlidi. Maraqlıdı digər iki deputat xalqa hesabat verdiyi halda, Hicran Hüseynova və Emin Hacıyevlə bağlı hesabata rast gəlmədik. Hər halda, xalqı Milli Məclisdə təmsil edən deputatların xalqa hesabat verməyi özlüyündə yaxşı bir nümunə sayılır.
İndi isə Müşfiq Məmmədli və Tahir Mirkişilinin illik hesabatlarını təkrarən diqqətinizə çatdırırıq:
1.Müşfiq Məmmədli
Hesabat linki : https://www.facebook.com/watch/?extid=CL-UNK-UNK-UNK-AN_GK0T-GK1C&v=288660473325739
2. Tahir Mirkişili
Hörmətli Sumqayıt şəhər seçiciləri!
2021-ci il pandemiyadan qaynaqlanan çətin bir il olsa da imkanlar çərçivəsində şəhər sakinləri ilə görüşərək, onlardan daxil olan müraciətləri araşdıraraq, öz tərəfimizdən təhlillər apararaq problemləri həll etməyə, ideya və təklifləri dəyərləndirməyə, ehtiyacı olanlara dəstək olmağa çalışdıq.
Gördüyümüz işlərin qısa infoqrafik hesabatını təqdim edirik. Bununla yanaşı əminəm ki, daha çox iş görmək də olardı.
Bu ildə bizə bu işlərdə dəstək olan hər kəsə, dövlət orqanlarına, iş adamlarına, ayrı-ayrı xeyirxah insanlara, könüllü gənclərimizə öz minnətdarlığımı bildirirəm!
2022-ci ildə daha çox səylə daha çox işlər görməyə çalışacağıq!
14-01-2022, 22:26
370
