Bura Sumqayıt şəhəri 6-cı mkr ərazisində yerləşən CREDO tədris akademiyasıdı. Ancaq tədris mərkəzində təhlükəsizlik normaları gözlənilmir. Kursa daxil olmaq üçün istifadə olunan pilləkənin bir tərəfində qoruyucu məhəccər olsa da, digər tərəfi açıqdı. Bura azyaşlı uşaqlar kursa gəlir. Bu həm uşaqlar, həm də uşaqları məktəbə gətirən ata-analar, baba-nənələr üçün real təhlükə mənbəyidi. Hansısa uşaq və ya yaşlı adam ordan yıxılsa, müxtəlif dərəcəli bədən xəsarətləri alsa, xəstəxanalıq olsa, məsuliyyət kimin üzərində qalacaq ? Hər halda, həmin hissə perila ilə bağlansa, kursdan istifadə edən adamlar təhlükədən uzaq olar. Şəkildən də göründüyü kimi kifayət qədər ciddi təhlükədi. Uşaqlar bəzən o qədər oynamağa aludə olar ki, ani diqqətsizlik onların şikəst olmasına gətirib çıxarar. Pul qazanmaq yaxşı işdi, ancaq insanların təhlükəsizliyini də nəzərə almaq lazımdı.