Sumqayit.tv-nin redaksiyasına növbəti oxucu məktubu daxil olub. Eldəniz Tariverdiyev adlı Sumqayıt sakini öz məktubunda doğma Sumqayıtın probleminə ürək ağrısı ilə yanaşır: "Əziz sumqayıtlılar ! Güman edirəm ki, Sumqayıtı sevən sakin kimi gördüyüm problemi ifadə etsəm, məsul şəxslərdən kimsə görər, oxuyar, bəlkə həllini tapar. Düzdü, görüb məhəl qoymaya da bilərlər. Bir ümid edib yazıram.
Deməli, şəkildən də təxmin etdiyiniz kimi bura köhnə Nizami heykəlinin olduğu parkdır. Ordan keçən hər kəs mənimlə razılaşar ki, parkdan əsər-əlamət qalmayıb. Kim nə gəldi satır. Məsul qurumlar hər kəsdən müəyyən məbləğ alır, icazə verir. Ət satandan göyərti satana qədər hər şey satırlar burda. Halbuki 50 metr yan tərəfdə bazar və ticarət mərkəzi var. Nə isə "sözümün canı" bu deyil, kiminsə evinə ruzi aparmasına qarşı deyiləm, əsas məsələ budur ki, buranı maşın yolu ediblər. Həm də iri yük maşınları parkın içində adamın üstünə çıxır. Elə bil belə də olmalıdır. Sanki maşın yoludu, adamlar bunun yoluna çıxıb. Kafellər sınıb tökülür. Həmin parkda balaca uşaqlar maşın sürür, gələn-keçən bir-birinə qarışır.
Antisanitar və çox iyrənc vəziyyət yaranıb burada. Bir azdan dövlət büdcəsindən "n" qədər pul ayırıb başlayacaqlar park tikməyə. Olmaz ki,
mövcud olan parkı qoruyub saxlayaq?!".
26-05-2022, 11:10
1 077
