Onun sözlərinə görə, ermənilər yenidən müharibə istəsəydilər, Qarabağda müharibə istəyən siyasi liderlərini qoyub, onları məğlubiyyətə uğradan baş nazir Nikol Paşinyana yenidən səs verməz, onu növbəti illər üçün Ermənistanın idarəçilik sükanı arxasına keçirməzdilər: "Üçüncüsü, bilirsiniz ki, həm hərbidə, həm də iqtisadiyyatda düzənli sistem olmalıdır. Ermənistanda isə nə hərbi, nə iqtisadi, nə də sosial vəziyyət yaxşı deyil. Bu ölkədə dağıdılmış ordu, tükənmiş silah-sursat və tənəzzülə uğramış iqtisadiyyat açıq-aşkar ortadadır. Belə bir vəziyyətdə Ermənistanın hansı müharibəyə başlamaq istəyindən söhbət getdiyini anlaya bilmirəm.

Etiraf edirəm, sadaladıqlarıma rəğmən, Azərbaycan-Ermənistan sərhədində, o cümlədən Qarabağda vəziyyət heç də ürəkaçan deyil. Təbii, bunu da körükləyən qüvvələr var. Bu qüvvələr isə bir daha təkrar edirəm Ermənistan əhalisi və rəhbərliyi deyil. Bölgədə vəziyyəti qızışdırmaq, müharibə ritorikasını ucaldan qüvvələr şübhəsiz ki, düşmən ölkəyə havadarlıq edən dövlətlərdir. O cümlədən də vəziyyətin gərginləşməsində Rusiya izini rahatlıqla görmək mümkündür. Qarabağ daxil, bütün post-sovet respublikalarında məqsədli şəkildə yaradılmış bütün konfliktlərin hamısı Kremlin adı ilə bağlıdır. Bu gün isə Moskva dünya birliyi tərəfindən təklənib. Rusiya istəyir ki, özünün nəzarətində olan geosiyasi zonalarda təsir imkanlarını daha da genişləndirərək, mövqelərini gücləndirmək və özünün mövcudluğunu dünyaya sübut etsin. Rusiya bu niyyətini Qarabağda ermənilərin əli ilə etmək istəyir.

Ona görə də düşünürəm ki, Rusiyanın bu istəyini dərk edən Ermənistanın ictimai-siyasi elitası nəinki, Azərbaycanla müharibəyə getmək istəyirlər əksinə onlar Rusiyanın morianetkası rolunu oynamaqdan xilas olmağa çalışırlar. Sadəcə mövcud situasiya bu bədbəxt xalqın boyunduruq altından çıxması üçün yetərli deyil".