Onun sözlərinə görə, hadisələrə daha geniş pəncərədən nəzər salsaq, Rusiya-Ukrayna müharibəsinin aktiv fazada hələ bir müddət davam edəcəyini aydın görmək olar: "Bu iki xalqı bir-birinə düşmən edən qüvvələr münaqişənin konstruktiv yollarla həllində maraqlı deyil. Çünki, onların bu münaqişənin uzanmasında siyasi, iqtisadi və strateji umacaqları var. Qərb dünyası, xüsusən də ABŞ və İngiltərə üçün Ukraynadakı hazırkı vəziyyət yetərincə məqbul sayılır. Əgər biz iki qardaş xalqı bir-birinə düşmən edən ideologiyanın ana xəttinə baxsaq, açıq-aydın prosesin hara gedəcəyini rahatlıqla müəyyənləşdirə bilərik. Belə ki, Qərbin əsas istəyi Kremli beynəlxalq aləmdən təcrid emək və Rusiyanı mühribə ocaqları yaratmaqla, iqtisadi cəhətdən çökdürməkdən ibarətdir. Artıq demək olar ki, Qərb, bu istəyinə nail olur. Əgər Rusiya öz mövqelərini və təhlükəsizliyini qorumaq üçün bir vaxtlar Suriyada mübarizə aparırdısa, bu gün artıq öz sərhədlərində müdafiə xətti qurur. Bu da o deməkdir ki, Qərb tam Rusiyanın sərhədlərində oturub. Rusiyada iqtisadiyyat hər ötən gün üzü aşağı gedir. Həm də çox böyük sürətlə.

Bir sözlə, Putin Rusiyası ciddi mənada qan itirir. Belə olduğu halda Rusiya-Ukrayna müharibəsini körükləyənlərin əlinin tezliklə Kremlin boğazından çəkəcəyi inandırıcı görünmür. Çünki, Qərbin yuxarıda qeyd etdiyimiz kimi əsasəndə ABŞ və İngiltərənin istək və arzu bəllidir. Onlar yer kürəsinin ən zəngin və ən böyük qitəsi olan Avrasiyaya sahib olmaq istəyirlər. Bunun üçün də ilk növbədə Rusiya və Çini keçmək lazımdır. Qərbin bu istəyinə çatıb-çatmayacağı isə zamanla bağlı məsələdir. Hazırkı mövcud vəziyyət hadisələrin ABŞ-İngiltərə cütlüyünün xeyrinə işlədiyini göstərir. Bir sözlə narahat dünyamızın tezliklə stabilliyə qovuşacağını gözləmək özümüzü aldatmaq olardı. O cümlədən də Rusiya-Ukrayna müharibəsinin tez bir zamanda yekunlaşmayacağını düşünürəm".