Martın 10-da Qərbi Azərbaycan İcmasının Karvansaray-Çəmbərək rayon icmaları Novruz Bayramı münasibətilə tədbiri keçirib.
Sumqayit.tv-in məlumatına görə bayram tədbiri paytaxtıdakı şadlıq saraylarından birinin zalında baş tutub.
Novruz tədbiri başlamadan öncə Qərbi Azərbaycan mədəniyyətinə aid nümunələrinin yer aldığı sərgi nümayiş olunub. Sərgidə deportasiya zamanı Qərbi Azərbaycandan gətirilən və soydaşlarımızın əsrlərdir qoruyub saxladıqları adət-ənənələri əks etdirən məişət, bəzək əşyaları, xalçalar, kilimlər, qədim samovarlar, hətta 1905-ci ildə Karvansaray rayonu Haqqıxlı kəndində ermənilər tərəfindən yandırılmış Qurani-Kərim nümayiş etdirilib.
Tədbirə qatılanları salamlayan Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli Qərbi azərbaycanlıların öz tarixi adət-ənənələrini əsirlər boyu ərzində qoruyub saxlaması və adət-ənənələrin nəsillərdən-nəsillərə ötürülməsi istiqamətində belə tədbirlərin keçirilməsi vacibdir.
Daha sonra İcmanın Müşahidə Şurasının sədri, AMEA Riyaziyyat və Mexanika İnstitutunun direktoru, fizika-riyaziyyat elmləri doktoru, professor, Karvansaray rayon icmasının sədri Misir Mərdanov, İcmanın Ağsaqqallar Şurasının üzvü, Azərbaycan Dövlət İqtisad Universitetinin kafedra müdiri, iqtisad elmləri doktoru, professor, əməkdar müəllim, Çəmbərək rayon icmasının sədri Əvəz Ələkbərov, Çəmbərək rayon İcmasının Ağsaqqallar Şurasının sədri, professor Həsən Bayramov, Haqqıxlı kənd İcmasının Ağsaqqallar Şurasının sədri, filologiya üzrə fəlsəfə doktoru, əməkdar müəllim, dosent Mayıl İsmayılov, Tibb elimləri doktoru, professor Vaqif Şadlınski Əmirxeyir kənd İcmasının İdarə Heyyətinin üzvü, Azərbaycan Tibb Universitetinin birinci prorektoru, tibb elimləri doktoru, professor Sabir Əliyev, Gölkənd kənd İcmasının Ağsaqqallar Şurasının sədri, fizika üzrə fəlsəfə doktoru Vaqif Ələkbərov çıxış edərək tədbir iştirakçılarını qarşıdan gələn Novruz bayramı münasibətilə təbrik edərək, belə tədbirlərin ata-bab yurdaları olan Qərbi Azərbaycanda tezliklə həyata keçrililəcəyinə əminliklərini vurğuladılar.
Tədbir əyləncəli və musiqi proqramları ilə başa çatıb.
14-03-2024, 15:38
895
