Qərbi Azərbaycan İcması (QAİ) Sumqayıt nümayəndəliyində tədbir keçirilib. 
 İcmanın Sumqayıt şəhər nümayəndəliyindən Sumqayit.tv-yə verilən məlumata görə,  tədbirdə məqsəd  18 oktyabr Müstəqilliyin Bərpası gününü qeyd etmək olub. 
Tədbiri giriş sözü ilə QAİ Sumqayıt nümayəndəsi Ramiz İsmayılov açıb.Tədbirdə Ulu Öndər Heydər Əliyevin və Azərbaycanın müstəqilliyi uğurunda şəhid olanların ruhları bir dəqiqəlik sükutla yad edilib, dövlət himni səsləndirilib. 
Sonra mövzu haqqında danışan R. İsmayılov geniş məlumat verərərk, əlamətdar günün əhəmiyyətindən və yaranma tarixndən danışıb. O bildirib ki, mütəqilliyi qazanmaq nə qədər çətin olsa da, onu qoruyub saxlamaq, ondan da çətindir. Şükürlər olsun ki, Azərbaycan öz mütəqilliyini dahi Heydər Əliyevin sayəsində qoruyub saxlıya bildi. 
Müstəqilliyin bərpasının ölkəmizə verdiyi töhvələrdən danışan Sumqayıt nümayəndəsi əlavə edib ki, bu gün  Azərbaycanın müasir dünyadakı beynəlxalq nüfuzu Ulu öndərin layiqli davamçısı cənab İlham Əliyevin siyasəti sayəsində durmadan artmaqdadır. Artıq dünyanın bütün dövlətləri müstəqil Azərbaycanın yürütdüyü siyasətlə hesablaşır və ölkəmizə bütün platformalarda hörmətlə yanaşırlar.QAİ Sumqayıt nümayəndəliyinin Ağsaqqallar Şurasının sədri Əbülfəz Əbilov çıxış edərək bir əsrdə Azərbaycanın iki dəfə müsətəqillik əldə etməsini mühüm hadisə adlandırıb. QAİ İdarə Heyətinin üzvü Nizami Əhmədov bildirib ki, bir dövlətin öz müstəqilliyini elan etməsi, inkarolunmaz hadisədir. Lakin, onu qoruyub saxlamaq daha böyük məsuliyyət tələb edir. Bu baxımdan Azərbaycan bəxti gətirən dövlətlərdən sayılmalıdır. Çünki, onun Heydər Əliyev ulu öndəri, İlham Əliyev kimi dahi rəhbəri var.QAİ Qadınlar Şurasının üzvü Rüxsarə Məmmədova Müstəqilliyin Bərpası günü ilə tədbir iştirakçılarını təbrik edərək, belə bir günün Qərbi Azərbaycan torpaqlarının bütövləşdiyi günlə əvəzlənməsini diləyib. QAİ Sumqayıt Ağsaqqallar Şurasının üzvü Xankərəm Vəliyev nitqində bildirib ki, müstəqillik Azərbaycana heç də rahat başa gəlməyib. “Biz Azərbaycanın cəsur, mərd oğlan və qızlarının sayəsində belə bir xoşbəxt günə nail ola bilmişik.” -deyə, X.Vəliyev fikirlərini tamamlayıb. 
Digər çıxış edən natiqlər də Azərbaycan xalqını bu gözəl gün münasibətilə təbik edib, Azərbaycanın mütəqilliyinin əbədi olmasını arzulayıblar.