İcbari tibbi sığorta ilə bağlı mühüm yenilik – Bu dərmanlar da pulsuz olacaq

Sumqayit.tv xəbər verir ki, İcbari Tibbi Sığorta üzrə Dövlət Agentliyi (İTSDA) ambulator müalicə alan vətəndaşlarla bağlı mühüm yenilik açıqlayıb.

Qurumun bildirdiyinə görə, hazırda xəstəxanada stasionar müalicə alan şəxslər üçün istifadə olunan bütün dərman preparatları, tibbi sərfiyyat vasitələri və gündəlik qidalanma icbari tibbi sığorta hesabına tam ödənilir.

İTSDA əlavə edib ki, yaxın gələcəkdə ambulator müalicə zamanı həkim resepti ilə yazılan bəzi dərmanların da icbari tibbi sığorta hesabına qarşılanmasına başlanılacaq.

Məlumata görə, ilk mərhələdə ürək-damar xəstəliklərinin müalicəsində istifadə olunan dərmanların sığorta ilə təmin edilməsi nəzərdə tutulur.

Qeyd edək ki, hazırda ev şəraitində istifadə üçün yazılan dərmanlar icbari tibbi sığorta paketinə daxil deyil.

29-06-2026, 15:34 54