Abşeron-Xızı iqtisadi rayonunda əsəb sistemi və hissiyyat orqanlarının xəstəlikləri ilə qeydiyyatda olan sakinlərin ən böyük hissəsi Sumqayıtın payına düşür.
Sumqayit.tv Modern.az-a istinadən xəbər verir ki, Dövlət Statistika Komitəsinin 2026-cı ilin əvvəlinə olan məlumatlarına əsasən, iqtisadi rayonda bu kateqoriya üzrə ümumilikdə 35 min 33 nəfər qeydiyyatdadır.
Statistikaya görə, onlardan 28 min 798 nəfəri Sumqayıtın, 5 min 643 nəfəri Abşeron rayonunun, 592 nəfəri isə Xızı rayonunun sakinləridir.
Ölkə üzrə isə əsəb sistemi və hissiyyat orqanlarının xəstəlikləri ilə qeydiyyatda olan şəxslərin sayı 323 min 775 nəfər təşkil edir. Ən yüksək göstərici 139 min 334 nəfərlə Bakı şəhərində qeydə alınıb.
Qeyd edək ki, statistikada yalnız sinir sistemi xəstəlikləri deyil, həmçinin göz və qulaq xəstəlikləri də "əsəb sistemi və hissiyyat orqanlarının xəstəlikləri" kateqoriyasına daxildir. Bu səbəbdən açıqlanan rəqəmlər təkcə nevroloji xəstəlikləri əks etdirmir.
24-07-2026, 11:40
93
