Qəzvin əyalətinin Ümumi və İnqilab Məhkəməsinin prokuroru Hüseyn Rəcəbi mediaya verdiyi açıqlamada bir neçə iş yerinin fəaliyyətinin qadağan edildiyini bildirib.
O, Qəzvin şəhərində yerləşən 5 iş yerində hicab qaydalarını riayət etməyən qadınlara xidmət göstərildiyi üçün bağladıldıqlarını deyib.
İranın Sistan-Bəlucistan əyalətinin Zahidan və Zabol şəhərlərinin həbsxanalarında daha iki etnik bəluc edam edilib. 40 yaşlı Qasım Salarzehi və 25 yaşlı Əziz Gərgic narkotik maddələrin ticarətində günahlandırılıb.
Amerikanın “Jamestown Foundation” analitik mərkəzi bildirir ki, Türkiyə-Azərbaycan birliyinin güclənməsi və İsrailin Qafqazda artan mövcudluğunun qarşısını almaq üçün İran Ermənistana intiharçı pilotsuz təyyarələr verməyi planlaşdırır.
“Jamestown Foundation” bildirir ki, görünür, Bakının barışmazlığına cavab olaraq İran “Qafqaz Sülh Prosesi”ni pozmaq üçün Azərbaycanın rəqibi Ermənistana intiharçı pilotsuz təyyarələr vermək istəyə bilər.
TVMusavat-da bu və digər məsələləri Güney Azərbaycan Demokratik Türk Birliyi (GADTB) təşkilatının sədri Əjdər Tağızadə ilə müzakirə edirik. Müzakirədə tamaşaçılarımız da iştirak edə bilər.