Rusiya Xarici İşlər Nazirliyinin sözçüsü Mariya Zaxarova Yaponiyanı Orta Asiya ilə Rusiya arasında uzun illər ərzində formalaşmış iqtisadi əlaqələri pozmaqda ittiham edib.
Publika.az xəbər verir ki, diplomat dekabrın 24-də Tokioda Qazaxıstan, Qırğızıstan, Tacikistan, Türkmənistan və Özbəkistan nümayəndələrinin iştirakı ilə "Mərkəzi Asiya - Yaponiya" nazirlərinin görüşünün keçirilməsi planlarını şərh edib.
Zaxarovanın sözlərinə görə, ABŞ Yaponiyaya qarşı belə bir siyasət tətbiq edir: “Görünür, müstəqil siyasət yürütmək qabiliyyətini itirən və tamamilə xarici maraqlara xidmət edən Yaponiya Rusiyaya hərtərəfli təzyiqi artırmaq üçün eyni rolu digər ölkələrə də sırımağa çalışır".
XİN nümayəndəsi əlavə edib ki, Moskva Mərkəzi Asiya dövlətləri ilə Asiya-Sakit okean regionu ölkələri arasında əməkdaşlığın inkişafına hörmətlə yanaşır, lakin Tokionun dinc əməkdaşlıq niyyətlərinə şübhə ilə yanaşır. Diplomatın sözlərinə görə, Yaponiya dünya ictimaiyyətini Rusiyaya qarşı toplamaq məqsədi güdür.