Qarabağ müharibəsinin tarixi onilliklər əvvələ gedir. Ermənistan Qarabağın ətrafındakı 7 rayonu tutanda, daha sonra məsələlərin siyasi yolla həllində ümidsiz qalanda Rusiya Ermənistanın keçmiş rəhbərlərinin yaxşı dərk etmədiyi, pozitiv qəbul etmədiyi çoxsaylı variantlar təklif etmişdi.
Sumqayit.tv xəbər verir ki, bunu “RİA Novosti”yə müsahibəsində Rusiya xarici işlər naziri Sergey Lavrov deyib.
Lavrov bildirib ki, Ermənistanın o zamankı rəhbərləri bu əraziləri əllərində saxlamağı arzu edirdilər:
“Bəli, Azərbaycan ona məxsus torpaqları geri qaytardı. İndi həm Azərbaycan, həm Ermənistan Avropa Birliyi ilə birgə sülh müqaviləsini 1990-cı ilin Almaatı bəyanatında müəyyənləşdirilən şərtlər əsasında imzalamağa hazır olmaları barədə sənəd imzaladıqları üçün bizim gələcək addımlarımızı müəyyənləşdirmək bir qədər çətindir. Almaatı bəyanatında deyilir ki, yeni müstəqil dövlətlər arasından sərhədlər Ermənistan SSR və Dağlıq Qarabağ Muxtar Vilayətinin daxil olduğu Azərbaycan SSR-in administrativ sərhədləri üzrə keçəcək. Ona görə də burada situasiya çoxqatlıdır”.
Lavrov həmçinin KTMT missiyasının Ermənistanda yerləşməsinin aktual olaraq qaldığını və Ermənistanın razılıq verəcəyi halda onun 1-2 günə İrəvana göndərilə biləcəyini deyib:
“Təklif hələ də masadadır və əgər erməni müttəfiqlərimiz əvvəlki kimi bunda maraqlıdırlarsa, bu missiya bir-iki günə bölgəyə yerləşdirilə bilər”.