Xəbər verdiyimiz kimi, Rusiyanın xarici işlər naziri Sergey Lavrov Qətərdə keçirilən Doha Forumunda videokonfrans vasitəsilə iştirak edib. İsrail - HƏMAS müharibəsi ilə bağlı açıqlamalar verib.
Lavrov bildirib ki, fələstinlilərin İsrail tərəfindən kollektiv şəkildə cəzalandırılması qəbuledilməzdir.
Musavat.com xəbər verir ki, XİN başçısına Rusiyanın İsrail-Fələstin münaqişəsinə ikiüzlü münasibəti olub-olmaması ilə bağlı sual ünvanlanıb.
Sualı cavablandıran Lavrov deyib:
“Bu, sizin ixtiyarınızdadır. Mən ikiüzlü olduğumu və ya Rusiyanın belə bir şey etdiyini düşünmürəm. Biz heç vaxt Çeçenistanda silahlı fəaliyyətin necə aparıldığını gizlətməmişik. BMT-nin Suriyadakı nümayəndəliyi ilə qanuni hökumətin tələbi əsasında etdiyimizi heç vaxt gizlətməmişik. Rusiya xüsusilə ABŞ-ın İraqa müdaxiləsi nəticəsində ortaya çıxan terror təşkilatlarına qarşı mübarizə aparıb və biz terrorla mübarizəmizi davam etdirəcəyik”.