Avropa İttifaqının (Aİ) liderləri Ukraynaya daha çox mərmi tədarükü üçün Avropa Sülh Fondundan vəsaitlərin genişləndirilməsinə qərar verməlidirlər.
Avropa diplomatiyasının rəhbəri Cozef Borrell Ukraynaya yardım paketinin ayrılması məsələsi ilə bağlı Aİ sammiti başlamazdan əvvəl buna çağırıb.
Avropalı diplomat xəbərdarlıq edib ki, liderlər fondun yeni 50 milyard avro artırılmasını təsdiqləməsələr, “daha yüksək qiymət ödəyəcəklər”.
“Mən liderlərə döyüş meydanındakı vəziyyət haqqında məlumat verəcəyəm. Mənim təklifim Avropa Sülh Fondu çərçivəsində Ukraynaya dəstək üçün əlavə fond yaratmaqla Ukraynaya silah tədarükünü artırmaqdır . Mən onları mümkün qədər tez razılığa gəlməyə çağıracağam”, o, sammitdən əvvəl jurnalistlərə deyib.