İran Xarici İşlər Nazirliyi Moskvanın Zəngəzur dəhlizinə dəstək verməsi ilə bağlı Rusiya səfirini çağırıb.
Musavat.com xəbər verir ki, bu, Pezeşkiyan administrasiyasının öz sələflərinin səhvlərini təkrarladığını və bu gün ermənilərin özündən daha çox erməni olmağa çalışdığını əyani şəkildə nümayiş etdirir.
İranın İrəvandakı səfirləri Zahuri və Sobhaninin Azərbaycan əleyhinə bəyanatlarını xatırlatmaq kifayətdir. Görünür, rəsmi Tehran səsləndirə bilməyəcəyi fikirləri səfirlərə dedirtdirir. Onların hər ikisi açıq şəkildə separatçılara rəğbətini bildirib.
Azərbaycan ərazilərinin işğalı illərində İran Xarici İşlər Nazirliyinin Ermənistan səfirini çağırması, daha çox İranın Bakıdakı səfirlərinin bu işğalı pisləməsi hallarını xatırlamırıq. Ən maraqlısı odur ki, bu, Ermənistanın açıq şəkildə İranın özünə qarşı kəşfiyyat məlumatlarının toplanması üçün tramplinə çevrildiyi bir vaxta təsadüf edir.
Bu, İranın ikiüzlü diplomatiyasının səviyyəsini nümayiş etdirən bütün paradoksdur. İran bütün platformalarda Qərbin və ABŞ-ın Tehrana necə düşmən olduğunu bəyan edir, lakin Ermənistanın onları şirnikləndirdiyi regionda Qərbin artan varlığına susur.
Ancaq təcrübədən göründüyü kimi, Bakı heç kimin fikrini nəzərə almadan istədiyinə nail olur. Zəngəzur dəhlizi ilə də tam eyni olacaq.