Sumqayıt şəhəri, Sovet dönəmində baş verən siyasi proseslərdə fəal iştirak etmişdi. 1988-ci ildə başlanan və sonradan milli azadlıq hərəkatına çevrilmiş Meydan hərəkatı zamanı Sumqayıtdan gələn fəallar və şəhərin ziyalıları da meydana dəstək vermişdi.

Sumqayit.tv xəbər verir ki, bu fikirləri Moderator.az-a meydan hərəkatının aparıcı liderlərindən Nemət Pənahlının açıqlamasında bildirib.  O qeyd edib ki, həmin dövrdə rəhbərlik tərəfindən təşkil olunmuş tədbirlər vasitəsilə insanlar həm mənəvi, həm də maddi dəstək göstərmişdilər:

"Bütün idarə və müəssisələr, şəhər və rayon rəhbərləri əllərində olan hər vasitə ilə meydana dəstək verirdilər. Həm insanlar özləri axışırdı meydana, eyni zamanda ərzaq və pul yardımları da gətirilirdi. Sumqayıt şəhərindən də çoxsaylı gənclər və fəallar hərəkatda iştirak etmişdi."

Nemət Pənahlı vurğulayır ki, hər bir şəhərin iştirakı milli azadlıq hərəkatının genişlənməsində həlledici rol oynamışdır. Sumqayıt sakinləri də həmin dövrdə hərəkatın sosial və siyasi təşəbbüslərinə dəstək göstərərək, ölkənin müstəqillik prosesində aktiv iştirak etmişdilər.

26-12-2025, 22:02 208