Ermənistanda itkin düşmüş hərbçilərin valideynləri və qohumları növbəti dəfə aksiya keçiriblər.

 Sumqayit.tv erməni mətbuatına əsasən məlumat verir. Yerevandakı hökumət binasının qarşısına toplaşan valideynlər baş nazir vəzifəsini icra edən Nikol Paşinyanla görüşməkdə israrlı olduqlarını bəyan ediblər.
Aksiya iştirakçıları ölkə rəhbərliyinin "əsir"lərin geri qaytarılması, eləcə də, döyüş meydanlarında qalmış hərbçi cəsədlərinin tapılması üçün kifayət qədər səy göstərmədiyini söyləyiblər.

"Uşaqlarımızın cəsədlərinin yerə səpələnmiş halda qaldığı bir çox videoya rast gəldik. Bu cəsədlərin hara yoxa çıxdığını və neçə nəfər oğlanımızın "əsirlikdə" qaldığını, səlahiyyətlilərin onları geri qaytarmaq üçün nələr etdiyini bilmək istəyirik", - itkin hərbçilərdən birinin dayısı Yeqişe Zakunç bildirib.